ბიზნეს სამართლის მაგისტრi ნიკა მაღედანi 𝐌𝐋𝐁, 𝐁𝐮𝐜𝐞𝐫𝐢𝐮𝐬 𝐋𝐚𝐰 𝐒𝐜𝐡𝐨𝐨𝐥, 𝐇𝐚𝐦𝐛𝐮𝐫𝐠, რომელიც 𝟒-𝟖 აგვისტოს, ჰამბურგში დაგეგმილი სასწავლო ვიზიტის ფარგლებში ლექციებს გაუძღვება კორპორაციული მართვის, დირექტორთა პასუხისმგებლობისა და იურიდიულ პრაქტიკაზე ხელოვნური ინტელექტის გავლენის საკითხებზე.

განათლება და კვალიფიკაცია:
𝟐𝟎𝟐𝟓-𝟐𝟎𝟐𝟔 წ.წ. 𝐌𝐋𝐁, ბიზნესი და სამართალი, 𝐁𝐮𝐜𝐞𝐫𝐢𝐮𝐬 𝐋𝐚𝐰 𝐒𝐜𝐡𝐨𝐨𝐥, 𝐇𝐚𝐦𝐛𝐮𝐫𝐠;
𝟐𝟎𝟐𝟑 წ. საქართველოს ადვოკატთა ასოციაციის წევრი, საერთო სპეციალიზაცია;
𝟐𝟎𝟐𝟐-𝟐𝟎𝟐𝟒 წ.წ. ბიზნეს სამართლის მაგისტრატურა, საგადასახადო სამართლის სპეციალიზაციით, თბილისის თავისუფალი უნივერსიტეტი;
𝟐𝟎𝟏𝟖-𝟐𝟎𝟐𝟐 წ.წ. სამართლის ბაკალავრი, ივანე ჯავახიშვილის სახელობის თბილისის სახელმწიფო უნივერსიტეტი.

სამუშაო გამოცდილება:
𝟐𝟎𝟐𝟔 წლიდან დღემდე 𝐄𝐘 𝐃𝐞𝐮𝐭𝐬𝐜𝐡𝐥𝐚𝐧𝐝, 𝐖𝐨𝐫𝐤𝐢𝐧𝐠 𝐒𝐭𝐮𝐝𝐞𝐧𝐭 იურიდიული ოპერაციების დეპარტამენტში;
𝟐𝟎𝟐𝟒-𝟐𝟎𝟐𝟓 წ.წ. 𝐁𝐆𝐈 𝐋𝐞𝐠𝐚𝐥, ასოცირებული იურისტი;
𝟐𝟎𝟐𝟏-𝟐𝟎𝟐𝟒 წ.წ. საქართველოს ახალგაზრდა იურისტთა ასოციაცია, ადვოკატი;
𝟐𝟎𝟐𝟎 წ. საქართველოს ახალგაზრდა იურისტთა ასოციაცია, ადვოკატის თანაშემწე.

ნიკას სამაგისტრო კვლევა კონცენტრირებულია ერთ-ერთ ყველაზე აქტუალურ საკითხზე, როგორ ცვლის ხელოვნური ინტელექტი იურიდიული ფირმების ბიზნეს მოდელს.

𝐀𝐈 ქმნის ახალ შესაძლებლობებს, თუმცა ამავდროულად აჩენს სერიოზულ გამოწვევებს კლასიკური იურიდიული სერვისებისთვის, განსაკუთრებით იმ მოდელში, სადაც შემოსავლის მთავარი წყარო იურისტის მიერ დახარჯული საათებია.

როგორ უნდა შეიცვალოს მომსახურების სტრუქტურა, შემოსავლის წყაროები და ფირმის კომერციული მოდელი ისე, რომ ტექნოლოგიამ არა მხოლოდ დრო დაზოგოს, არამედ ახალი ღირებულება შექმნას?

სწორედ ამ საკითხებს იკვლევს ნიკა თავის სამაგისტრო ნაშრომში:

რა სტრუქტურული ცვლილებები დასჭირდება იურიდიულ ფირმებს 𝐀𝐈 ეპოქაში;
როგორ შეიძლება 𝐀𝐈-ის მომგებიანად კომერციალიზაცია;
როგორ უნდა შეიცვალოს იურიდიული ფირმების ბიზნეს მოდელი და შემოსავლის წყაროები;
რა რისკები ახლავს 𝐀𝐈-ის დანერგვას იურიდიულ პრაქტიკაში;
რა საფრთხეს ქმნის ერთ კონკრეტულ 𝐀𝐈 მოდელზე ან ტექნოლოგიურ პროვაიდერზე გადაჭარბებული დამოკიდებულება.

ნიკას ასევე ჰქონდა შეხვედრები 𝐀𝐈-ის იმპლემენტაციასთან დაკავშირებით ისეთ კომპანიებთან, როგორებიცაა:

𝐅𝐢𝐞𝐥𝐝𝐟𝐢𝐬𝐡𝐞𝐫 𝐗 - საერთაშორისო იურიდიული ფირმა 𝐅𝐢𝐞𝐥𝐝𝐟𝐢𝐬𝐡𝐞𝐫-ის შვილობილი კომპანია;
𝐀𝐑𝐀𝐆 𝐀𝐆 - გერმანული სადაზღვევო კომპანია, რომელიც საერთაშორისო ბაზარზე ოპერირებს;
𝐋𝐢𝐛𝐫𝐚 - გერმანული 𝐀𝐈 სტარტაპი, რომელიც ევროპის სხვადასხვა იურისდიქციაში გამოყენებისთვის იურიდიულ 𝐀𝐈 მოდელს ქმნის.

ამ კომპანიების წარმომადგენლები, თავიანთი ბიზნეს მოდელისა და ოპერაციული საჭიროებების გათვალისწინებით, ნიკას უზიარებდნენ 𝐀𝐈-ის დანერგვის პრაქტიკულ გამოცდილებას, მიღწეულ პროგრესს, არსებულ გამოწვევებსა და იმ წარუმატებლობებსაც, რომლებიც ტექნოლოგიურ ტრანსფორმაციის პროცესს თან ახლავს.

𝐉&𝐉 𝐓𝐫𝐚𝐢𝐧𝐢𝐧𝐠 𝐂𝐞𝐧𝐭𝐞𝐫 მიესალმება ნიკა მაღედანთან თანამშრომლობას. მისი საერთაშორისო განათლება, გერმანულ-სამართლებრივ და ბიზნესგარემოსთან უშუალო შეხება, 𝐀𝐈-ის დანერგვის პროცესებზე პრაქტიკული დაკვირვება და იურიდიული ფირმების მომავლისადმი კვლევითი ინტერესი გვაძლევს მყარ საფუძველს, მონაწილეებს შევთავაზოთ თანამედროვე, პრაქტიკაზე ორიენტირებული და საერთაშორისო ხედვით გამდიდრებული ლექციები.