ნინა ჯულაყიძე

ნინა ჯულაყიძე

ნინა ჯულაყიძე სამშენებლო და უძრავი ქონების სამართლის მიმართულებით სპეციალიზებული პრაქტიკოსი ადვოკატი, 𝐉&𝐉 𝐓𝐫𝐚𝐢𝐧𝐢𝐧𝐠 𝐂𝐞𝐧𝐭𝐞𝐫-ის დამფუძნებელი და მმართველი პარტნიორია. იგი სასწავლო კურსის „უძრავი ქონების გაყიდვების 𝐀𝐁𝐂 — პირველი კონტაქტიდან გარიგებამდე“ ფარგლებში უძღვება უძრავი ქონების გაყიდვების სამართლებრივ მოდულს.

ნინას პროფესიული გამოცდილება აერთიანებს როგორც დეველოპერული, სამშენებლო და საპროექტო კომპანიების სამართლებრივ მომსახურებას, ისე ფიზიკური პირების ინტერესების დაცვას უძრავი ქონების შეძენასთან, საკუთრების უფლებასთან და სამშენებლო პროცესებთან დაკავშირებულ საკითხებზე.

მისი პროფესიული საქმიანობა მოიცავს უძრავი ქონების ტრანზაქციების სამართლებრივ მხარდაჭერას, ნასყიდობის ხელშეკრულებების მომზადებასა და ანალიზს, საპროექტო და სანებართვო დოკუმენტაციის სამართლებრივ ექსპერტიზას, სამართლებრივი რისკების შეფასებასა და უძრავ ქონებასთან დაკავშირებული დავების წარმოებას.

▪️​ განათლება და სამუშაო გამოცდილება
 
𝟐𝟎𝟏𝟑–𝟐𝟎𝟏𝟖 წწ. | ივანე ჯავახიშვილის სახელობის თბილისის სახელმწიფო უნივერსიტეტი — სამართლის მაგისტრი. სამაგისტრო ნაშრომი: „სამეზობლო ემისიებიდან გამომდინარე მოთხოვნების ფარგლები და სამართლებრივი საფუძვლები“;
𝟐𝟎𝟎𝟖–𝟐𝟎𝟏𝟐 წწ. | ივანე ჯავახიშვილის სახელობის თბილისის სახელმწიფო უნივერსიტეტი — სამართლის ბაკალავრი, წარჩინებით.

𝟐𝟎𝟏𝟕 წლიდან დღემდე | საქართველოს ადვოკატთა ასოციაცია — წევრი და პრაქტიკოსი ადვოკატი სამშენებლო და უძრავი ქონების სამართლის მიმართულებით;
𝟐𝟎𝟐𝟔 წლის თებერვლიდან დღემდე | საქართველოს ადვოკატთა ასოციაცია — სამშენებლო სამართლის კომიტეტის წევრი;
𝟐𝟎𝟐𝟏 წლიდან დღემდე | 𝐉&𝐉 𝐓𝐫𝐚𝐢𝐧𝐢𝐧𝐠 𝐂𝐞𝐧𝐭𝐞𝐫 — დამფუძნებელი და მმართველი პარტნიორი;
𝟐𝟎𝟐𝟎–𝟐𝟎𝟐𝟏 წწ. | 𝐇𝐚𝐮𝐬𝐚𝐫𝐭 𝐃𝐞𝐯𝐞𝐥𝐨𝐩𝐦𝐞𝐧𝐭 — სამშენებლო კომპანიის იურიდიული დეპარტამენტის ხელმძღვანელი;
𝟐𝟎𝟏𝟖–𝟐𝟎𝟐𝟎 წწ. | 𝐀𝐑𝐂𝐎 — არქიტექტურული კომპანიის იურისტი;
𝟐𝟎𝟏𝟒–𝟐𝟎𝟏𝟕 წწ. | ქალაქ რუსთავის მუნიციპალიტეტის მერია — ადმინისტრაციის იურიდიული სამსახურის მთავარი იურისტი.

ნინა თანამშრომლობს დეველოპერულ, სამშენებლო და საპროექტო კომპანიებთან, მათ შორის 𝐂𝐈𝐓𝐘𝐙𝐄𝐍, „წისქვილი ჯგუფი“ (სამშენებლო მიმართულება), საპროექტო კომპანია „სტუდია 𝟗+“, „მთაწმინდის პარკი“ და სხვა.

კურსის ფარგლებში განსაკუთრებული ყურადღება ეთმობა იმ სამართლებრივ საკითხებს, რომლებთან შეხებაც დეველოპერული კომპანიებისა და საბროკერო სააგენტოების გაყიდვების წარმომადგენლებს ყოველდღიურ საქმიანობაში უწევთ. მათ შორისაა საკუთრების უფლებისა და არსებული შეზღუდვების შემოწმება, მშენებლობის ნებართვისა და შეთანხმებული პროექტის მნიშვნელობა, მშენებარე და დასრულებული უძრავი ქონების გაყიდვის თავისებურებები, ხელშეკრულების არსებითი პირობები და მხარეთა უფლებები და ვალდებულებები.